ჩემპიონთა ლიგის პირველ ტურში, ატლეტიკო ლივერპულს ესტუმრა და დრამატულ ბრძოლაში 3:2 დამარცხდა.
მერსესაიდულმა გუნდმა თამაში ძალიან მძლავრად დაიწყო და საწყის 6 წუთში ორბურთიანი უპირატესობა მოიპოვა. ამ გოლების მთავარი შემოქმედი მოჰამედ სალაჰი იყო, რომლის დარტყმული საჯარიმო ენდი რობერთსონის ასხლეტით კარში მოხვდა და გოლი გავიდა. ამას მან ორ წუთში გატანილი გოლიც მიამატა.
თუმცა, სიმეონეს გუნდმა თამაშში დარჩენა მოახერხა - მარკუს ლიორენტემ პირველი ტაიმის დამატებულ დროში სხვაობა შეამცირა, ხოლო 81-ე წუთზე მისი დარტყმული მცველს მოხვდა და ანგარიში გათანაბრდა.
მატჩის მთავარი გმირი ვირჯილ ვან დაიკი გახდა - ნიდერლანდელმა მცველმა დამატებული დროის მეორე წუთზე თავით გაიტანა და ლივერპულს მნიშვნელოვანი 3 ქულა მოაპოვებინა.
აღსანიშნავია, რომ ამ თამაშში დებიუტი ჰქონდა ლივერპულის ახალწვეულ ალექსანდრ ისაკს, რომელიც სატრანსფერო ფანჯრის ბოლო დღეს ნიუკასლიდან შეურთდა მერსესაიდელებს.
